ZARUN o’yini

Zarun – bu oilaviy o‘yin bo‘lib, unda siz vaqtingizni maroqli o‘tkazasiz. Siz unutilmas sayohatga yo‘l olasiz va siz o‘yinda g‘olib bo‘lsangiz yetib kelish manzilingiz atrofida nafis gullar va daraxtlar bo‘lgan ilm masjidi bo‘ladi. Lekin marraga yetib kelish unchalik ham oson emas. Oldinda sizni murakkab, ammo shu bilan birga qiziqarli savollar va turli xil sinovlar kutib turibdi. Bu sinovlar chizish, tushuntirish va pantomima kabi vazifalarni o‘z ichiga oladi. O‘yinda ikki va undan ortiq kishi ishtirok etishi mumkin.

O‘yin qutisida quyidagilar mavjud:
– o‘yin maydonchasi;
– 4 dona fishka;
– 400 dona karta.

Har bir ishtirokchi qog‘oz va qalam tayyorlab olishi kerak.
O‘yin maydonchasi:
Fishkalar o‘yin maydonchasi bo‘ylab o‘z harakatini boshlaydi. Maydoncha 40 ta katakchalar mavjud bo‘lib, maxsus katakchalar sinovlar belgisi bilan belgilangan. Har bir katakcha ma‘lum belgiga ega – Iymon, Namoz, Ro’za, Zakot, Haj.